Web Analytics

Yeráhstha Ayenónhstate Ne Kanyen’kéha

Ákta yà:ya’k niyohserá:ke tsi náhe tayontáhsawen Onkwehonwehnéha ayontéweyenhste ne Alyssa General. Ohséhton tóka’ni Megan yontatena’tónhkwa ne ronatenróshon. 2008 shiyohserò:ten Alberta na’tontá:yen. Eh wa’tyontstikáhwha ayetshén:ri ne akó:wen karihón:ni táhnon tsi nón:we e’thóhtsi nayontyé:ra’te. Wá:’enhre nek ne tóhkara niyohserá:ke eh ayèn:seke nek tsi kayé:ri tóka’ni wisk niwenhnì:take eh wa’e’terón:tahkwe. É:so Dene táhnon Ronhsi’tahon’tsi’néha wahontewennón:tahkwe ne kahwá:tsire skátne

Ákta yà:ya’k niyohserá:ke tsi náhe tayontáhsawen Onkwehonwehnéha ayontéweyenhste ne Alyssa General. Ohséhton tóka’ni Megan yontatena’tónhkwa ne ronatenróshon. 2008 shiyohserò:ten Alberta na’tontá:yen. Eh wa’tyontstikáhwha ayetshén:ri ne akó:wen karihón:ni táhnon tsi nón:we e’thóhtsi nayontyé:ra’te. Wá:’enhre nek ne tóhkara niyohserá:ke eh ayèn:seke nek tsi kayé:ri tóka’ni wisk niwenhnì:take eh wa’e’terón:tahkwe.

É:so Dene táhnon Ronhsi’tahon’tsi’néha wahontewennón:tahkwe ne kahwá:tsire skátne ye’terón:tahkwe. Wa’í:ron: “Kè:yahre nó:nen tí ayakwahnekì:ra táhnon kwah watyé:sen tahatiwennaté:ni tsi na’tekóntere ne Dene táhnon O’seronni’kéha”. Né:’e tayako’nikonhratihéntho ayontéweyenhste ne akowén:na Kanyen’kéha. Ne káti nó:nen Ohswé:ken tontá:yonwe, tayontáhsawen o’karahsnéha ayontéweyenhste Onkwawén:na Kentyóhkwa nón:we táhnon Kawén:nakon yontátyats ne yakorihonnyén:ni eh shikahá:wi.

E’thó:ne 2009 tsi niyó:re 2011 tsi niwenhniserè:sons wa’ontéweyenhste aóskon Kanyen’kéha tho nón:we. Í:’i táhnon Owennatékha wa’ethirihónnyen eh shikahá:wi.Ón:wa wenhniseratényon shé:kon yakoyo’tátye ne Onkwehonwehnéha aorihwà:ke. Shisewakehnhà:ke, wa’akoyó’ten ne niya’té:kon teyóyaks ahonnón:ni aóskon Kanyen’kéha, Kí:ken Kentenhkó:wa tá:we, enyontaterihónnyen ne nithotiyón:sas Onyà:kara Onkwehón:we Tsi Thontya’tarò:roks nón:we.

Nón:wa yonteweyénhstha ne yakorihonnyén:ni ayón:ton ne Alyssa. Yerahstha’tsheraweyénhen ò:ni táhnon í:yenhre ayakón:ni kahyatonhsera’shón:’a táhnon niya’té:kon nahò:ten ahotiyé:nawa’se ahòn:ronke ne nithotiyòn:sas. Niya’té:kon wá:’erahste ne “Tóta tánon Ohkwá:ri” aorihwà:ke. Ne ò:ni wá:’erahste thiya’tekaya’tare’tsherá:ke ne “Tsi Niwenhníseres” kahyatónhsera. Yenyén:te ayakón:ni nahò:ten’k tsi niyohtányon enwá:ton sénha ayon’wesénhake ne ratiksa’okón:’a ahatiweyentéhta’ne ne onkwakara’shón:’a táhnon tsi niyonkwarihò:ten aorihwà:ke.

Tsyeyà:ta yeksá:’a yakowí:rayen, Kaweranónha yontátyats. Yontaterihonnyén:ni ne ontatyén:’a, yá:ken tsi sénha yako’nikonhrayén:ta’s tsi ní:yoht ne tsi ní:kon yekwényes aya’í:ron.

Teyewennayéhstha O’seronni’kéha táhnon Kanyen’kéha shiyakóhthare ne owirá:’a.

Kaweranónha wahonwarihwanón:tonhse ne ronwa’níha: “dadtonhkárya’ks ken?” né:tens ne “satonhkárya’ks ken?”

Alyssa í:yenhre kí:ken ayetsikaratónhahse tsi nitsyon ón:wa’k sewateweyénhstha ne

Kanyen’kéha:

[quote]“Shiwakateweyénhston akherihónnyen, skawén:na kwah í:ken tsi wakewennayé:was tho káti wa’tékta’ne táhnon nek ne onkyéhson. Tsyeyà:ta yonteweyénhstha wa’onkwatkáhtho táhnon wa’í:ron: “‘Tóhsa sayéhson, ahse’kén yorihowá:nen tsi sate’nyénhtha.’” Nó:nen sateweyenhstonhátye ne onkwawén:na, kwah wentó:re aeson’wéskwen tahsateryen’tawénrye.[/quote]

Ónhte í:kehre tsi kí:ken né:’e ronate’nikonhriyóhstha ne é:so ón:kwe. Khehretsyá:rons onkwe’shón:’a ahonte’nyén:ten táhnon ahonte’nyénthake, sewatyé:rens enhoti’nikonhráksen’ne tsi nihonentorà:se nek tsi né:’e ne nahò:ten enshawísheke tsi sónnhétye, ónhka ní:se né:’e yenwá:ton’ne.”

Share this Article!

Letter to the Editor

Letter to the Editor

Send your letters to letter@tworowtimes.com

Related Posts

Leave a Comment

Your email address will not be published. Required fields are marked with *

Cancel reply
 width=

Headquarters:


Oneida Business Park Suite 124
50 Generations Drive, Box 1
Ohsweken, ON N0A 1M0
Six Nations of the Grand River Country


Email: info@tworowtimes.com


Main office: (519) 900-5535


Editorial: (519) 900-6241


Advertising: (519) 900-6373

Mini Job Board

Most Recent Articles

Share this Article!

Two Row Times

Two Row Times

LIVE NOW! CLICK TO VIEW.
CURRENTLY OFFLINE